Outbreak (títol orichinal en anglés, en aragonés Brot, Pandemia u Esclafiu, enguerada en Aragón con o títol en castellano de Estallido, en aragonés Esclafiu) ye una cinta estausunidense de drama y intriga d'acción sobre desastres, dirichida en 1995 por Wolfgang Petersen seguntes un guión adaptau por Laurence Dworet y Robert Roy Pool d'a novela The Hot Zone, de Richard Preston (1994). Producida por Gail Katz, Arnold Kopelson y Wolfgang Petersen ta las productoras Arnold Kopelson Productions y Punch Productions, inc., con una dirección de fotografía de Michael Ballhaus y una Banda Sonora Orichinal de James Newton Howard, l'elenco principal d'actors d'a cinta ye formau por Dustin Hoffman, Rene Russo, Morgan Freeman, Cuba Gooding Jr., Patrick Dempsey, Donald Sutherland y Kevin Spacey.
La cinta tracta sobre la expansión pandemica d'un perigloso virus mortal pareixiu a l'Ebolavirus orichinario d'as chunglas de l'Africa central y que las autoridaz de l'exercito estausunidense quieren mantener ta lo suyo emplego como arma biolochica. Trobau en a Republica Democratica d'o Congo mientres a revuelta de mercenarios en o Congo en 1967, s'heba manteniu en secreto dica que la malautía plega en os Estaus Unius como consecuencia d'una importación ilegal d'animals.
Rodada en os estaus de California y Hawaii, s'ambienta en os anyos 1990 en a Republica Democratica d'o Congo (en iste caso, tamién ambientada en 1967), California, San Francisco y Atlanta.
© MMXXIII Rich X Search. We shall prevail. All rights reserved. Rich X Search